गोमूत्र उपचार पद्धती

सध्याच्या धावपळ आणि धकाधकीच्या जीवनात आपली बदलती जीवनशैली आणि फास्टफूडच्या खाण्यामुळे प्रत्येकालाच काहीना काही तरी आजार होत असतात. डोकेदुखी, सर्दी, खोकला या साऱख्या किरकोळ आजारांबरोबरच मधुमेह, रक्तदाब आणि अन्य मोठे आजारही दिसून येतात. साधारणपणे किरकोळ आजार किंवा दुखणे उद्भवले की आपण डॉक्टरांकडे जातो. त्यांनी दिलेली अॅलोपॅथीची औषधे घेऊन किंवा औषधांच्या दुकानात जाऊन आपल्या माहिती असलेल्या गोळ्या आपण घेतो व आजार तात्पुरता दूर करतो. पुन्हा काही दिवसांनी तोच किंवा दुसरा आजार डोके वर काढतो. तसेच अॅलोपॅथीच्या औषधांचे काही साईड इफेक्टही आपल्या शरीरावर होत असतात. त्यामुळे सध्या आल्टरनेटीव्ह मेडिसिनकडेही लोकांचा कल वाढलेला आहे. आज मी आपल्याला गोमूत्र किंवा पंचगव्य चिकित्सा/ उपचार पद्धतीची ओळख करून देत आहे. काही वर्षांपूर्वी माझ्या वाचनात संत आसाराम बापू यांच्या आश्रमातर्फे प्रकाशित होणाऱया लोककल्याण सेतू या मासिकाचा गोमूत्र (गोझरण) विशेषांक वाचनात आला. गोमूत्र आणि पंचगव्य उपचार पद्धतीबाबतची सविस्तर माहिती या अंकात देण्यात आली होती. सर्वांना त्याची माहिती व्हावी आणि लोकांनी आपल्या दैनंदिन जीवनात त्याचा वापर करावा, या उद्देशाने मी अंकातील या लेखाच्या झेरॉक्स काढून परिचित, मित्र आणि नातेवाईंकांमध्ये वाटल्या. महाराष्ट्रात नागपूर आणि अकोला येथेही गोसेवा संशोधन प्रकल्प राबविण्यात येत असून तेथे गोमूत्रापासून विविध औषधे तयार केली जातात. मुंबईत भाईंदर जवळील उत्तन येथे केशवसृष्टी असून तेथेही गोमूत्र आणि त्यापासून शाम्पू व अन्य उत्पादने तयार केली जातात. सुरेश नगर्सेकर यांनीही गोमूत्राविषयी सविस्तर माहिती देणारे एक पुस्तक लिहिले आहे. त्यातही गोमूत्राचे औषधी उपयोग, त्यापासून तयार केली जाणारी औषधे याची माहिती देण्यात आली आहे.
लोककल्याण सेतू या मासिकात दिलेल्या माहितीनुसार गोमूत्रामध्ये ताम्र, लोह, कॅल्शियम, मॅगेनीज आणि अन्य सोळा प्रकारची खनिज तत्वे असून ती शरीराचे रक्षण, पोषण आणि विकासासाठी आवश्यक असतात. गोमूत्राच्या सेवनामुळे रोगप्रितकारक शक्ती वाढण्यास मदत होते.
गोमूत्राचे वैज्ञानिक पृथ्थकरण केल्यानंतर त्यात नायट्रोजन, सोडियम, सल्फर, पोटॅशियम, कॅल्शियम, मॅगेनीज, तांबे, चांदी, आयोडीन, शिसे, सुवर्णक्षार, अमोनिया, युरिया, युरीक अॅसिड अशी अनेक प्रकारची खनिज तत्वे आढळून आली आहेत. गोमूत्राच्या सेवनाने मुत्रपिंडाचे रोग बरे होतात. गोमूत्रातील एरीथ्रोपोईटीन हा घटक हाडातील मज्जा तत्वाला सक्रिय करून नवीन रक्तकणांची निर्मिती करतो. गाईचे गोमूत्रच केवळ उपयुक्त आहे, असे नव्हे तर गाईचे दूध, तूप, दही,मूत्र आणि शेणही अत्यंत उपयुक्त आहे. गोमूत्राचा उत्तम किटनाशक म्हणूनही वापर करता येऊ शकतो. झाडे किंवा पिकांवर गोमूत्राची फवारणी केली तर असलेली कीड नष्ट होते किंवा कोणत्याही कीडीपासून पिकांचे संरंक्षण होते. पोटातील कृमीही गोमूत्र सेवनाने नाहीशा होतात. गोमूत्र हे उत्तम अॅन्टीसेप्टीक म्हणूनही काम करते. जखमेवर गोमूत्र लावले तर जखम पिकत नाही, लवकर बरी व्हायला मदत होते. गोमूत्र हे एक उत्तम रेचक असून तो नियिमत घेतले तर पोट साफ राहते.
मलावरोध, गुडघेदुखी, अपचन, कावीळ, कृमी, स्थुलता, मधुमेह, त्वचारोग, रक्तदाब आदी विविध रोगांमध्येही गोमूत्र आणि त्यापासून तयार केलेली औषधे अत्यंत उपयुक्त ठरू शकतात. सुश्रुत संहिता, चरक संहिता, अमृतसागर, भावप्रकाश, अष्टांग संग्रह, आदी जुन्या ग्रंथांमधूनही गोमूत्र आणि पंचगव्याची माहिती व त्याचे औषधी उपयोग सांगितले आहेत. गोमूत्र हे कडू, उष्ण, खारट, तिखट, तुरट, लघू, अग्निदीपक वात व कफनाशक अस आहे.
इंटरनेटवरही गोमूत्राविषयी माहिती असलेली हजारो पाने असून गुगल किंवा याहूवर काऊ थेरपी/गोमूत्र असा शब्द टाईप करून सर्च म्हटले तरीही याविषयी अधिक माहिती जिज्ञासूना मिळू शकेल. गोमूत्र आणि पंचगव्यापासून गोमय शाम्पू, गोमूत्र अर्क, गोमूत्रासव, दंतमंजन, डोळ्यात घालण्यासाठी औषध, पायांच्या भंगांसाठीचे मलम, अंगाला लावायचा साबण आणि अन्य अनेक प्रकारची औषधे तयार केली जातात.
गोमूत्राचे महत्व आणि उपयुक्तता कळल्यानंतर मी माझ्या परिने गोमूत्र उपचार पद्धतीचा जमेल तसा प्रचार-प्रसार करत आहे. गेली काही वर्षे मी स्वत नियमितपणे गोमूत्र (दिवसातून एकदा सुमारे अर्धा किंवा एक चमचा गोमूत्र घेऊन त्यात थोडे पाणी टाकून) सेवन करत आहे. आपणही एकदा याचा उपयोग करून स्वत अनुभव घ्यावा आणि इतरांनाही गोमूत्र घेण्यास सांगावे.