मतदारानो, सावधान विचार करुनच मतदान करा

उद्या ३० एप्रिल रोजी लोकसभा निवडणुकीचा तिसरा आणि शेवटचा टप्पा पार पडत आहे. राज्यात उद्या होणारे मतदान हे मुंबई, ठाणे व रायगड भागात होत आहे. गेल्या काही दिवसांपासून विविध राजकीय पक्ष आणि त्यांचे नेते व निवडणुकीला उभे असलेले उमेदवार यांनी आपल्याला भरमसाठ आश्वासने दिली असतील. लक्षात घ्या, आपण जे मतदान करणार आहोत, त्यामुळे पुढच्या पाच वर्षांसाठी आपण आपल्या खासदाराची निवड करणार आहोत. हा खासदार स्वच्छ चारित्र्याचा व प्रतिमेचा असला पाहिजे, यावर भर देऊनच मतदानाचा अधिकार बजावा. पक्ष न पाहता व्यक्ती म्हणून मतदान करा. माझ्या एका मताने काय फरक पडणार आहे, असे म्हणून मी मतदानच करणार नाही, असे करू नका. आपले मत हे अमूल्य असून आपल्या मतावरच खासदार निवडून येणार आहे. आपल्या प्रत्येक खासदारावर होणारा खर्च पाहिला तर आपले मत किती मौल्यवान आणि जो खासदार निवडून देणार आहोत, तो काय लायकीचा असला पाहिजे, ते तुमच्या लक्षात येईल. तेव्हा सावधान, विचार करूनच मतदान करा.
एका खासदारावर एका वर्षासाठी ३२ लाख रुपये खर्च होत असून पाच वर्षांसाठी एका खासदारावर १ कोटी ६० लाख म्हणजेच ५३४ खासदारांवर पाच वर्षांसाठी आपण ८५५ कोटी रुपये खर्च करत आहोत. तेव्हा विचार करा.
हा खर्च एवढ्यावरच थांबत नाही. प्रत्येक खासदारावर कसा व किती खर्च होतो, हे विसरुन चालणार नाही. एका खासदाराला दरमहा १२ हजार रुपये इतके वेतन मिळते. त्याच्या कार्यालयीन खर्चावर दरमहा १४ हजार रुपये खर्च होतात. संसदेच्या अधिवेशनाच्या वेळी प्रत्येक खासदाराला दररोज ५०० रुपये इतका उपिस्थती भत्ता मिळतो. प्रत्येक खासदाराला रेल्वेच्या एसी डब्यातून भारतात कुठेही मोफत प्रवास करण्याची सवलत मिळते. प्रत्येक खासदाराला त्याचा स्वीय सहाय्यक किंवा पत्नीसह वर्षाला ४० वेळा मोफत विमान प्रवास करता येतो. प्रत्येक खासदाराला त्याच्या निवासस्थांनी विजेचे ५० हजार युनीट्स मोफत वापरता येतात. प्रत्येक खासदाराला त्याच्या मालकीच्या दूरध्वनी संचावरून १ लाख ७० हजार दूरध्वनी फुकट करता येतात.
हे सर्व वाचल्यानंतर तरी डोळे उघडून मतदान करा.
मतदारांना आपल्या उमेदवाराची संपूर्ण माहिती एका लघुसंदेशाद्वारे भ्रमणध्वनीवर प्राप्ती करण्याची सोय एका स्वयंसेवी संस्थेने उपलब्ध करून दिली आहे. तसेच संकेतस्थळाच्या माध्यमातूनही मतदारांनी आता या सुविधेचा लाभ घेऊन गुन्हेगारी पार्श्वकभूमी असणार्याा कोणत्याही उमेदवाराला मतदान करायचे नाही, असे ठरवले पाहिजे. ५६७६७८ या क्रमांकावर खालीलप्रमाणे टंकलिखित करायचे NCPINCODE असे केले की नोंदणी झाली. कुणीही लघुसंदेश पाठवू शकेल. त्यांना भ्रमणध्वनीवर त्यांच्या मतदारसंघातील विद्यमान खासदाराची माहिती मिळू शकेल. निवडणुकीसाठी प्रथमच उभ्या रहाणार्या उमेदवारांची संपूर्ण माहिती व पूर्वपिठीका जाणून घेता येईल. याशिवाय www.NoCriminals.org या संकेतस्थळावर मतदाराला उमेदवारांची माहिती आणि गुन्हेगारी पार्श्वशभूमी यांविषयी जाणून घेता येईल. हे संकेतस्थळ सतत अद्ययावत होणार असल्यामुळे मतदारांना शेवटच्या क्षणापर्यंतच्या घडामोडींची माहिती मिळेल. `फोरम फॉर क्लीन पॉलिटिक्स'कडून ही मोहीम राबवली जात आहे. भारताच्या प्रत्येक नागरिकाला चारित्र्यवान पुढारी मिळावा हा त्याचा अधिकार आहे.`असोसिएशन फॉर डेमोक्रेटिक रिफॉर्म्स अँण्ड नॅशनल इलेक्शन वॉच' ही संस्था या प्रक्रियेवर लक्ष ठेवणार आहे.